عواطف عبداللطيف
يارب
أمشي وأدور عليك بس وين ألاكيك
دموعي تسيلن دم من شوكتي ليك
بالكلب لو بالعين بس وين أخليك
فد لا تروح بعيد آنه بروحي أفديك
كل يوم أكول اليوم أرجع وأداريك
باعوا وشروا بيك وقلبي يناديك
بصباحي ومسيتي وبنومي أحاجيك
ياحسن ياعباس جيت أنتخي بيك
ياقادر ياالنعمان ردت أنتجي عليك
ترجّع ألي الوطن ولكل من يناجيك
بأسمك أباهي التتر عالي أفتخر بيك
ياغالي ياموطني آنه بعمري أفديك
تنظر عيوني لفوك بس أرفع أيديك
يارب رجع الوطن مو بس ألي ليك
يارب رجع الوطن مو بس ألي ليك
.
.
الجمعة, 17 اغسطس, 2007
أضف تعليقا
أضف تعليقا
<<الصفحة الرئيسية
.
.