مو مهم
قصيدة شعبية
مو مهم نكتب مقال نكتب شعر
المهم منهو القراها
مو مهم نمشي شهر نعبر نهر
المهم اشلون التقاها
مو مهم نضحك سوة نبكي سوة
المهم شنهو الي جاها
مو مهم نكعد عوج نكعد عدل
المهم شنهو أل عناها
مو مهم نشرب سوة ناكل سوة
المهم تعرف دواها
مو مهم ناكل خبز ناكل بصل
المهم ربي ال نطاها
مو مهم ننقش حفر ننثر نثر
المهم يوصل مداها
مو مهم نحفر بئر نحفر نهر
المهم اشلون ارتواها
مو مهم ماكو ضوة ماكو دوة
المهم ماكو سواها
مو مهم نحلم سوة نخطط سوة
المهم روحي فداها
مو مهم عربي انا كردي انا
المهم عراقي بدماها
مو مهم شيعي انا سني انا
المهم عالي بسماها
مو مهم نسمع خطب نسمع وعظ
المهم اشلون أحتواهامو مهم نهتف سوة نهوس سوة
المهم نطلع ال غزاها
عواطف عبداللطيف
.
.
الاحد, 17 ديسمبر, 2006
أضف تعليقا
أضف تعليقا
<<الصفحة الرئيسية
.
.